ইউসুফ বিন ফরিদঃ
#সামসু_মিয়া ২
আঞ্চলিক ভাষার কাব্য
—————————-
জরিনা’রে লই শামসু মিয়া
ধাইয়ে ঘরত্তুন,
বিয়া গরি সুখত আছে
পান্তা ভাতত নুন।
শামসু মিয়া রিক্সা চলার
চাটগা শরত যাই,
সুখে দুঃখে সংসার গরের
ভারা বাসা’ত থাই।
বেহার পোয়া হামত ধইজ্যে
মনর মানুষ পাই,
জরিনাত্তুন পেট পুরেদ্দে
মা-বাপর লাই।
শামসু মিয়া সান্তনা দের
বাইচ্চা ওগ্গা অউক,
য়ার মা-বাপে মানি লইবো
দেইলে নাতির মুখ।
পাঠক ভাই বইন
দোয়া গরন দূ’নোজনর লাই,
তারা যাতে য়ারা জীবন
সুখ শান্তিত থা-য়।
